මේ පාළු සීත රාත්‍රියේ - Me palusitha rathri (Chandraleka)

මේ පාළු සීත රාත්‍රියේ..
කියාදෙන්න රහසින්..
ප්‍රේමය නම් කිමැයි කියා...//

නිදිමත තරුකැට කඩාවැටේ..
ඉඩදී අඳුරට අහස්තලේ...
සඳ මල මිලිණව බලා හිදී..
දකිනතුරා අඩ නුවන් අපේ..

සඟවා ළය මත - ඔබෙ වත රහසින්
කියාදෙන්න ලංවී..ප්‍රේමය නම් කිමැයි කියා..

මේ පාළු සීත රාත්‍රියේ...

ගහකොල නිසලව බලා හිදී..
පවන් රොදක සිහිලසින් මිදී..
පිණිකඳුලැලි කැට කඩා වැටේ..
ඇහෙන තුරා පෙම්වදන් අපේ..

සුසුමක් සුසුමට ලංකර රහසින්
කියාදෙන්න ලංවී...ප්‍රේමය නම් මෙයැයි කියා...

මේ පාළු සීත රාත්‍රියේ...

මගේ දිනපොතේහි - Mage dinapothe (Chandraleka)

මගේ දිනපොතේහි අද රෑ ලියන්නේ..//
අප පෙම් කථාවේ අවසානයයි
ඔබ නේන දා හෙට මා මනමාලියයි
මගේ දිනපොතේහි අද රෑ ලියන්නේ

කවදාක හෝ එක්තැන් වෙලා
සුව හා සුසුම් සමසේ දරා
අත්වැල් බැදන් යමු ජීවිතේ
ඒ කී වදන් බොල් හීනයේ

මගේ දිනපොතේහි...

පාසැල් සමේ අපි දෙන්නගේ
නම් කුරුටු ගෑ කඩදාසියේ
ගිනි අවුළුවා නටඹුන් පෙමින්
අපි වෙන්වෙමු දෛවේ ලෙසින්

මගේ දිනපොතේහි...