දුක හාදු දෙන - Duka hadudena raye (Gunadasa Kapuge)

දුක හාදු දෙන රැයේ

හිත පතුලටම වෙලා

යෞවනේ අගට විය විරහී

හද ගිලන් වෙලා //

ගහ කොළද මල් පිපේ

ඇළදොළ නිල කඩා හැලේ

පෙරදාක මිරිගු සයුරේ

ඒ රුවට රැවටුනේ

දුක හාදු දෙන...

නන්නාදුනන ලෙසේ

මඟතොට යළීත් හමුවෙලා

මහමෙර හිසින් දරාගෙන

අපි යමු දුරස් වෙලා

දුක හාදු දෙන...

බාගත කරන්න

ඔබ පෙම් කරනා - Oba pem karana (Gunadasa Kapuge)

ඔබ පෙම් කරනා ඔබේ කුමාරි
ඔබට ආදරේ කියනා අයුරින්

පෙර දවසක මා පෙම් කරනා සඳ
මටද ආදරේ කියා තිබේ

සාගර වෙරලේ සොඳුරු සැදෑවක
රඟහල කෙලවර අදුරු නිමේශෙක
අද ඔබ ළඟ ඔබ සනසාලන ඇය
පෙර දවසක මා තුරුළට වී හිඳ
මටද ආදරේ කියා තිබේ

ඔබ පෙම්....

සක්මන් මළුවන දෙපා ගෙවෙද්දී
දොඩමළු පෙම්බස් ගොලුවී යද්දී
මා සමුගෙන ඔබ වෙතට පැමිණි ඇය
සනහස සගවා දෙනත නුරාවෙන්
මටද ආදරේ කියා තිබේ

ඔබ පෙම්....

නින්ද නැති රැයේ- Ninda nathi raye (Gunadasa Kapuge)

නින්ද නැති රැයේ සඳ කඳුළු මීදුමේ
හැංගිලා අඬන්නෙ ඇයිද ප්‍රථම ප්‍රේමයේ
තාරකා දියේ ගිලී නිල් එළිය නිවේ
වැහි බිංදු වැටේවි රෝස පෙති කඩා හැලේ


කිළිපොළා සැලී යමින් නොහිටි සීතලේ
තුරුළු වෙමි දෙනෙත් පියා ඔබගෙ උණුසුමේ
ජීවිතය ඉතින් අපේ සිහිනයක් නොවේ
හෙට උදේම අවදිවී යා යුතුව තිබේ


රැය ගෙවේ සඳත් නිවේ දුරයි ජීවිතේ
ඉතින් අවසරයි මගේ පුංචි කුමරියේ
කටුවලට දෙතොල් තියා මලක් නැති ගසේ
සිඹිමි එකම හාදුවයි සොඳුර ඒ මගේ

තරු මල් යායම පොඩි - Tharumal yayama (Gunadasa Kapuge)

තරු මල් යායම පොඩි කර අහස් විලේ
ඉර හඳ මිරිකා දියකර සාගරයේ
අඳ්රේ උන්නෙමි ලොවම එපාවී
මා හැරදා ඈ ගිය දවසේ

දුක පැවසුවෙමි අසනා කෙනෙකු නැති
පාළු නාඑසුවෙමි තනියට කෙනෙක් නැති
තැවුණේ දැවුණේ පිරිසිදු සිතකිනි
එකම ලඳක් වෙත පෙම් කළ උමතුවෙනි

නුවර උයන් මැද හමුවු ළඳුන් නැතී
යටැසින් බැලු නෙත් පෙරදා බැලුම් නැතී
තැවුණේ දැවුණේ පිරිසිදු සිතකිනි
එකම ලඳක් වෙත පෙම් කළ උමතුවෙනි